PHILIPPINE RED CROSS MADE A HISTORY IN BARANGAY MAMHUT NORTE!

Pagkatapos nang epekto ng Typhoon Yolanda (Typhoon Haiyan) na hindi na malilimutan ng barangay Mamhut Norte at nang buong bansa masasabi ko talaga na unti unti nang nakabangon ang aming barangay sa pagkalugmok sa tulong ng Philippine Red Cross at sa iba pang organisasyon, mga tao at grupo ng mga tao para muli kaming makabalik sa normal na buhay.

July 16, 2016 muling gumawa ng kasaysayan ang Philippine Red Cross sa pangunguna at pakikilahok ng komunidad ng Mamhut Norte sa pagdiriwang ng kauna-unahang NUTRITION DAY na may tema na  “First 1000 Days ni baby pahalagahan para sa malusog na kinabukasan.”!

Araw bago ganapin ang programa tulong tulong ang mga mamamayan, mga barangay officials  sa pangunguna ni Brgy. Captain Wilfredo Prudente, Brgy Kagawad Roger Aposaga, Bookkeeper Ramon Balberona at ng dalawang masipag na CVO na sina Raffy Maghanoy at Mr. Gadian at ng mga Community Health Volunteers ng Philippine Red Cross ng Mamhut Norte sa pangunguna ng masipag na Facilitator na si Criselda B. Baclason.

Umaga nang July 16, 2016 abalang abala na ang mga CHV’s sa paghahanda ng pagtitipunan ng programa. Mga alas 9:00 ng umaga nagsimula ang programa.

Pinangunahan ni Myrna Aposaga isa sa mga CHV ang masaya at nakaka-aliw na storytelling sa mga bata katulong sina Shirline lapuz at Rese Bernat Estante Salmorin. At sinundan ito ng nakakatuwang palaro sa mga bata ng mga CHV’s na sina Josefa Binegla, Analy Custinar, Leny Prudente at Josie Maghanoy. Tuwang tuwa ang mga bata sa palaro at ang mga nagwagi ay may mga masustansiyang pagkain para sa kanila.

Sa kabilang banda tinuruan ng mga CHv’s na sina Alyn Rafael, Rosaminda Francisco, Ma. Fe Francisco, Concepcion Balberon at Remedios Balberona ang mga dumalong mga nanay at buntis tungkol sa mga karapatan ng mga bata at ang kahalagahan ng breastfeeding para sa kalusugan ng mga bata.

Nang dumating ang mga barangay officials ng Mamhut Norte at ang TPA na si Gilbert Fernando, CO na si Wil Ticar,  mga bisita mula sa barangay Gimamanay at barangay Balanti-an ay inumpisahan na ang programa.

Inumpisahan ang programa sa pamamagitan ng panalangin na pinangunahan ni Myrna Aposaga at sinundan ito ng pambansang awit na pinangunahan ni Josefa Binegla.

Nagbigay ng paunang bungad ang masipag na pinuno ng Mamhut Norte na si Hon. Wilfredo Prudente. Para maintindihan kung ano ang CBHFA o Community Based Health and First Aid ipinaunawa ito ni Joerry Dulalia sa mga mamamayan ng Mamhut Norte.

Ibinigay ang mahalagang mensahe ng TPA ng Health Sector ng Philippine Red Cross na si Mr. Gilbert Fernando ang mensaheng hindi malilimutan ng mga mga simpleng mamamayan ng Mamhut Norte tungol sa kalusugan.

Sinundan ito ng napakasayang at muntik na hindi matuloy na sayaw ng mga CHV’s ng Mamhut Norte. Hindi nga perpekto ang sayaw pero nag-enjoy ang mga tao sa ginawang presentasyon ng mga masisipag at isang pamilyaang turingan  na mga CHV’s ng Mamhut Norte.

Winakasan ni Hon. Nora Jaranilla ang Kagawad na Committee on Health sa kanyang pangwakas na mensahe. At pagkatapos nito masayang ngtitpon tipon ang mga mamamayan para pagsaluhan ang simpleng Arroz Caldo at tinapay na inihanda para sa lahat. Simpleng pagkain pero masaya itong pinagsaluhan.

Dahil may partisipasyon ang Wash Sector ng Philippine Red Cross sa programa sila ang nagturo sa mga bata kung paano linisin at pangalagaan ang ngipin sa pamamagitan ng tamang  pagtoothbrush. Sila rin ang nagturo sa mga bata kung ano kahalagahan at paano maghugas ng kamay katulong ang mga CHV’s na sina Celia Almasol, Jenafe Almasol, Amelia Diaz, Ireen Prudente, Jonalyn Prudente at Gina Bantillo.

Nagkaroon din ng pormal na pagtannggap  ng mga regalo para sa mga batang Day Care Center  ang pinuno ng barangay in behalf sa very hospitable at very accommodating na Day Care Worker na si Mrs. Grace Balagantio. Nagpapasalamat ang Philippine Red Cross, Health Sector sa pagpagamit sa Day Care Center building upang gawing lugar na tanggapan para sa mga mga ina at mga bata.

Natapos ang makasaysayang programa na matagumpay at naway patuloy itong gagawin taon taon sa barangay sa pangunguna ng komunidad at hindi ito ang una at huli. Ang napakaganda at very active na si Ms. Jennifer dela cruz Sobron ang Lady of Ceremony ng programa.

God Bless Mamhut Norte and God bless Philippine Red Cross!

Maraming salamat sa mga dumalo!